سلام
بير بالاجا شعير شهيد لريميزين دوزوملو آنالارينا
...............................................
عزيز آنا
شهيد اوغلونو
چيين لرده آپاريرلار
توپراقلارا تاپشيرسينلار
آه
ائليميزده بير مثل وار...
آلله
هئچ مسلماني
يوخاري دان آشاغي گتيرمه سين.
گئجه نین اوتاندیران دوزومونه سحرین ایناندیران ایشیقلیقینا صاباحین شرفینه ایچسز بو آجی سطیرلری...
.......................................................
قابارلي گوزلريمي قورخولار چالان گئجه دير
گئجه دووز.گئجه بايقوش.گئجه ايلان گئجه دير
زامان اوزون ايتيريب بورخولوبلار عقربه لر
سحر.گونش چيچگي چيخماميش سولان گئجه دير
آچيقدي پنجره لر سان کی گرنشير اودالار
بو بوش قوجاقلارا زيل خولیالار دولان گئجه دير
ائشيتمه دن بيرآجيخميش سيچان قاچير كوچه ده...
(دايان آجيبلا پيشيكلرده دالدالان گئجه دير )
************
غزل دوغوردلي بينيم ينه بو كيپريكلر
يومولماماقلا يومولماقدا قرق اولان گئجه دير
يئنه ايچيمده اوياقدير حوزونلو خاطيره لر
اوتن كدر لريمي فيكريمه سالان گئجه دير
اونومده بير قادينين بير سحر چاغي كوچه ده
گوزونده دالغالانيب كونلوموآلان گئجه دير
ائله او گوزلره تك آه آئله اوسئوگيه تاي
يالانچي دير بو قارانليق گئجه يالان گئجه دير
ساچيم آغارمادادير گئت به گئت ساچيم سان كي
سحر چاغيندا ايشيقلاردا محو اولان گئجه دير
آنام بو گويلره ياس پالتارين يوووب سرميش؟
يادا آتام ياسينا ساچلارين يولان گئجه دير
آنا سحردي؟ يا آغ بيرچگين اسير كوچه ده
يا اود توتوب نفسيندن ايشيقلانان گئجه دير
سحر آچيركوچه آغزيندا بير سيچان ديديليب
يئنه بو آج كوچه نين معده سي دولان گئجه دير
گونش اسيرگلير آرديمجا قاپ قارا كولگه م
بو كولگه دون گئجه دن قورتولوب قالان گئجه دير.
۲- اوزومده بوشعری سئومیره م ...
۳ـ یول داشلارا تقدیم
۴ـ ...
.............................
گوونه ییر کوره ییم
آرخامجا دامیرام یئره
آددیم آتدیقجا داملا داملا قورتولورام کولگه مه آرتیلیرام آددیم آددیم
کولگه مه دونوره م
:بئله گئتسه بیرآیاق اوسته دورموش کولگه یه دونه جکسن یاریق
*******
یخیلماق باشارمیرام
یوخسا نه دییم سیزده ن
دوردوقوم یئرده یخیلمیشام
نه آجی گئجه دیر
قورخولاریمی اوتقونا اوتقونابیرآددیم دالی بیرآددیم قاباق ساغ سولوم یخیلیب
اوستومه آردیمجا ویرنیخیر مجهول کولگه لر...
سورونورم بوروخ بوروخ دهشت لری سرین سرین کوچه لرده
آغ گوز بیر اوشاق کیمی قارانلیق لاردا قیشقیرتیلاریمی سوسدورورام
نه آجی گئجه دیر سویوق تر بئلیمی قیزدیریر
اوهووووووووی...
هارداسینیز؟
قارین داشلار یولداشلار آرخاداشلار ال بیرلیر
هاداسینیز؟
ایندی باشیما گلن عاقلیما گلمیردی بیر زامان
اوف گوتورمه گئجه نین اورتویون یا ستارالعیوب
هئچ زامان قی مادیم بو آجی گرجک لره
اوقارین داشلیقا بئله قارین دئشمک!
او یولداشلیقا بئله یول داشی اولماق!
او آرخاداشلیقا بئله آرخادان داش آتماق!
او ال بیر لیگی بئله الدن سالماق
بئله آیاقدان سورومک!
اوشیرین گئچه جگه بو آجی گله جک حایف دیر حایف.
ایندی باشیما گلن عاقلیما گلمیردی بیر زامان
ایندی عاقلیما گلمه یندن قورخورام
کوره ییم سیزه برکیمیش قفیل پچاقلار
آغلاماق باشارمیرام
یوخسا نه دییم سیزده ن گولوش لریم دوداقیمدا بورخولوب
گوله گوله آغلاتدیز منی
یوخ دئمک باشارمیرام
یوخسا یوخ دئمه زدیم پچاق باز دوشونجه لرینیزین اسگیک اللرینه
یالنیز اوتانیرام یئر سیز لیگیمده ن ایستک لرینیزه
یئریم یوخ یولداش
کوره ییم پچاق تارلاسیدیر
اکین چاغیدیر ائله بیر
شوخوملاین بو حاصیللی زمینی
صاباح بیچین چاغیندا
کوره ییمده بیر کردی درملی دوشونجه بیتیب بیر کردی شعیر
قویون آنلاملارینیزین قیسیر دیشلریندن ایتی
آلچاق بویلاریندا اوجااااااااا
**********
هله
ایندی اکین چاغیدیر
کوره ییم گوونه ییر
آختارینیز بوش یئر تاپساز اکین
تاپماساز بوقدر آرخامجا ویرنیخ مایین
شرفلی دوشمانی از اولار منه تای شاعیرین اوزومه دورماقا
کمسه ده اوز اولما ییب هله
سینه مه ال دیمه ییب هله
کوچه بازاردا سومسونن توالت لوله لرین ایزله ین کوللوکلرده عوه ده ین
کوچوک دوشونجه لرینیزه غسل وئرمگه یا خا جیرمیشام
آتین جنب فیکیر لرینیزی بو دنیزه
سینه م اونودولموش نیفرتلر باتلاقیندان جوشان ماوی دنیز دیر
قوشقوردون قارنی زیقلی حسد لری نیزی
قورخوم یوخ
گوروره م اوزونوزو باتیران گونو قالخاندا دالغالاریم
چوخ ویرنیخساز دالیمجا هورمگه گومانیز گلر اوزومده یالنیز قانجیقلانماقا
هر حالدا بو کروان
ویقارلا اونوزده ن گئچه جک
آجی گئجه لر آراسیندان
دهشت لر بوروغوندان
گر چک لر ناچارلیقیندان
کوره یی گونیه گونیه.
گورملی گونلریمدیر بیر طرفیم اوددا یانیر بیر طرفیم سودا بوغولور
باشیما گلیر عاغلیما گلمه ینلر ...
آنجاق بو اوخشامالار قالسین ایچریمده بلکه بیر شعیره دونوب اوزلرین پرده ده بوشاتدیلار
بو کیچیک سربست منده ن یادیزدا قالسین منده یادیزدا قالماسام.
...............................................................
بو گون ...
منم
گوزلریم پنجره لر دوستاقی
آغیزیم ایلک اینسانلارین خاطیره لر کوهولو
بوگون
بوغازیم تومورجوقلار مزاری
اللریم...
آه اللریم
بیرجوت چارپاناق تارلاسی
آیاقلاریم
ایکی قوروموش آغاج
ایکی قلم اولموش قلمه
بوگون
سن سیز لیکده ن یونتانان بیر هیکلم
شهرین بوتون میدانلاریندا قورولموش
خیاوانلارین آیریلیق هندسه سی
************
بیر گون ...
گوزلرین پنجره تک آچیلاجاق دوستاقیمین دووارلاریندا
بیرگون
من سیزلیک تومورجوقون
مزاریمدا پارتلایا جاق
آغیزیمدا جیزیلان ایلک اینسانلارین شعیر لرین
شهرین بوتون موزه لرینه اتحاف ائده جکسن
اللرین ....
آه اللرین بیرجوت سارماشیق باغیدیر
دولاشاجاق دووارداکی شکلیمین بوینونا
بیر گون...
بوشهرین بوتون میدانلاریندا
بوتون هیکللر
اونونده داغیلاجاق
بوتون خیاوانلار بیر بیرینه چاتاجاق
بیر گون
سن گله جکسن
او گون....
آه
اوگون
هئچ زامان گلمه یه جک.
۱ـ سالام
۲ـ هر شئی دن قاباق تامام آذربایجان شاعیر لریندن
تورکجه وفارسجا(خط سوم)جشنواره سینه شعیر وئریب بیزی یاردیم ائتمکلرینه گوره
اوز مینت دارلیقیمی بیلدیریره م
۳ـ صالح بیر کلاسیک شاعیردیر بو سوزی هامی بیلیر آنجاق بو سربست شعیر اودا بوشعیر سیز فصل ده هاردان دفتریمده دوغولدو بیلمیره م آنجاق ناشیلیقلارین
سیزلردن ائشیده جگم.
۴ـ بو شعیری عزیز امک داشیم (آرش ساعی)واونون قاپ قارا وئبلاگی ودوم آغ اوره گینه تقدیم الونور
...........................
قارا سارماشیق
گیجه لیر گئجه اونومده
قارانلیق دولاشیر توپوقلاریما
دیرماشیر مندن بیر قارا سارملاشیق
چاره سیز باخیرام
ظولمتده گویلر
داغلار
باغلار
چایلار سئللر
قورد
قوش
هر شئی اوز چار چوواسیندان قاچیر
هر شئی دئیشیلیر
اییلیر . دوزه لیر
اوزانیر . یغیشیر . دویونله نیر آچیلیر....
دونیا قارانلیقدا بیر کاریکاتورا دونور
دونیا قارانلیقدا ایتیر
قارانلیقدا ایتمیش بیر دونیا وار
ینی ده ن یارانیر دونیا گئجه ده
****************
گورولن لر آزالیر
گوز آزیر
آز گورور
ظولمتده ن یارانان کلمه لر اوزلرین تاپمادا
اوز یئرینده اوتورمادا
دونیا نی یازمادادیلار
ایندی
باخمادان گورونور
یئر
گوی
داغ
داش
باغ . چای . سئل . قورد .قوش...
وطن . شعیر . سن...
سن!!!!!؟؟؟
سن کیمسن؟
:باخ
باخمادان گوروره م
داغیلمیش داغلار
دا
بوزارمیش قوردلار
اوزاقدا بیر قارالمیش باغ
قارالمیش باغدا بیر اوزاقلیق
آیاقلاریم
دان
بیرداغ
منی انیر آشاقی
داغ.... داغیلیر
قارالیر گوزلریم
***************
باماقلاریم
دان
دامیر قارانلیق
دامیر الیمده ن کلمه لر قانی
:گری دون
دونمه ده ن گوروره م آردیمجا بیر سوری بینی داغیلمیش کلمه
منی چاغیران (سن) کلمه سی ده ییر
منی (سن سیز لیک ) چاغیریر
:گری دون
بوتون کلمه لرین نقطه لری دامیر یئره
گورونور کلمه لرین عورت لری
(نیوتون)آغاجدان دوشور
شعیرین اورتاسینا
الینده بیر آووج نقطه
:دیگسینمه شاعیر بودا شعیر جاذبه سی دیر.
ایچمی شم ائله بیر
هه.....ایچمی شم (شاراب)کلمه سین بیر نهره
نقطه لر قیزاریر یئرده
سان کی او داغیلمیش داغلاردان
وقارا گونه قالمیش باغلاردان
بیر سوری بوزارمیش قورد
جومورلار اوستومه
اووووف ف ف ف ف .....
قیزاریر قورد لارین گوزلری
قیزاریر (قورد) کلمه سی نین نقطه لری
*****************
هوروت هوروت با خیرام
باخیشیم قوروموش
دونیا دونموش
هاوا دورولور گونش چارشابین گوتورور
امما قارانلیق منیمله دیر هله ده
چن گیریر گوزلریمه
اوجا لار انیر
زیروه لر اوچور
بینیم ایستی سویوق اولوب
چن دامیر گوزلریمده ن
گوزلریم دامیر چن ده ن
گوینه ییر سینه مین توکلری
گوینه ییر توکلریمین سینه سی
بورنومون اوجی
گوینه ییر سینه مین سینه سی نین ایچی نین ایچی
سینه مده بیر داغ
سینه مده بیر قارا داغ
سینه مده بیر داغجا قاپ قارا داغلار وار
هره سی بیر بوداقسیر آغاج تک
سینه مده گوینه ییر
سینه مده بیر قارالمیش باغ وار
**************
بینیمده قوو ها قوو دور
بیر سوری ایپین قیر میش کورآت
جومورلاراوستومه
قیزاریر آتلارین گوزلری
قیزاریر (آت)کلمه سی نین نقطه لری
بئینیم کیشنه ییر
بئینیمین ایپی قیریلیب
بئینیم چیخیش ائدیب اوستومه
ایندی بیر ایپین قیر میش کور آتام
دلی لریم ساغ سولومدا
ساغ سولومدا بیر سوری دلی کلمه
چیلپاق دایچا کلمه لر
دلی لریم دلی قانلی کلمه لریم
کور بئینیمده ن دوغولان کلمه لر
الیمده میصری قلم
ده ن
دامیر
کلمه لرقانی ....
نقطه لری
:گری دون . (کوراوغلو) کلمه سی دیر
دونوره م . ظولمتده قیزاریر قیراتین گوزلری
(قیرآت) کلمه سی نین نقطه لری
او تای دا کلمه لرده باش بیر یانا لش بیر یانا
یارالی کلمه لر
یارانمیش کلمه لر
یارانیش کلمه لری
کلمه ده ن یارانان دونیا
کلمه ده ن یارانان
گوی
داغ
باغ
چای سئل سارای....
گورمه سیدیم اینانمازدیم
اوز گوزومله گوردوم
آپاردی سئللری سارا
دپ درین دنیزلرین دوم دورو قوجاقلاریندا دینجل مگه
آپاردی سئللری سارا
او اوجا بویلو سئللری
*****************
باخ گور هاردایام
گورونمه ین بیر یئرده
گوز چاتمایان بیر یئرده
بیر اوچموش قالادایام
اوچموش قارتاللارینان برابر
اوهووووووو ی
اونومده گیجه لن گئجه
اوهووووووووووی اونومده کی هر نه
من سینه مین ایچینده یم
سینه مین ایچینده قیزارمیش دمیرلرله مینلر قاراداغ قازیلیب
او قازیلمیش داغلارین باشیندا
بیر قارالمیش باغ
من او باغدان دانیشیرام سیزیلن
با خینیز منه
کلمه لری اوتور موشم اوز باشینا
باشیمی اوتور موشم اوزونه
اوزومی اوتورموشم باشیما
ایندی یالنیز بیر باشام
بیز کسیلمیش باش
بیر دئشیلمیش دووشان
تولکو تولکو کلمه لرین دیشینده دئشیلمیش
دوووووشااااان ن ن ن ن
****************
گوروره م باخمادیقلاریمی
با خیرام گورمه دیکلریمه
یالنیز گورمه دیگیم وباخمادیقیم
اوزومم
و سن......
سن کیمسن!!!؟؟؟؟
کلمه
نه گتیردین بو آوارا سطیرلرده باشیما
قوسدوردون بئینیمی
توپورجک توپورجک شعیرآدینا دفتریمه
قوسدوم بو زیبیل خانانین ایچینه
سونرادان یالاتدیردین توپوردوک لریمی
دیتدین شعیر لریمی
******************
گئجه یاریسیدیر
گیجه لیر گئجه نین یاریسی
گوزلریم بوزاریر
قیزاریر (قلم) کلمه سینین نقطه لری
هامی یاتیب
یئر
گوی
داغ
باغ
چای
سئل
سارای
دنیز
تبریز ائویم لامپالار
حیات یولداشیم
(ائل یار) بیر بالاجا پیشیک تک میسیلداییر
هامی یاتیب
بیر من اویاقام
بیر بو قیزمیش قلم
بیر بو سر سم کاغاذلار
بیر آشپز خانادا شاه عباسی نین هالوژن لری
بیر بینیمده کی کلمه لر
وهمه شه لیک گیجل مگه محکوم اولان
عقره به لر....
ساعات اوچ یاریم
اووووووف
یتدی ده سئر ویس گله جک
یئتر
قلمی قویورام جیبیمه یاتیر
کاغاذلاری باسیرام کیفیمه یاتیللار
هالوژن لری سوندوروره م (شاه عباس)یاتیر
اوزومده گئدیره م یاتام....
:گری دون...
اوووووف....
صاباح بوتون قزت لرین ایلک تیتری :
دون گئجه تبریزه ۶/۴ریشتر گوجونده زلزله گلمیشدیر.
